थाइल्यान्ड/साहित्यकार बिक्रमभक्त जोशी, थाइल्यान्डय् जूगु एसिया ग्लोबल एक्सिलेन्स अवार्ड – २०२६ ज्याझ्वलय् ‘लाइफटाइम अचिभमेन्ट अवार्ड’ पाखें सम्मानित जुयादीगु दु । साहित्य, इन्जिनियरिङ व बैंकिङ क्षेत्रय् प्यंगू दशक स्वयां अप्वः योगदान बियादीगुया कदरस्वरूप वय्कःयात उगु अवार्ड लःल्हाःगु खः । साहित्य सिर्जनानापं इन्जिनियरिङ व बैंकिङ क्षेत्रय् नं उल्लेखनीय योगदान बियादीम्ह जोशीया बहुआयामिक व्यक्तित्व व ज्यायात जूगु सम्मानं अन्तर्राष्ट्रिय मञ्चय् वय्कःयात थप पहिचान ब्यूगु खँ ग्वासाःखलकं धाःगु दु ।
वरिष्ठ पर्यटन व्यवसायी रामप्रसाद सापकोटाया सभापतित्वय् जूगु उगु ज्याझ्वलय् वय्कलं नेपाली प्रतिभा व सिर्जनायात अन्तर्राष्ट्रियस्तरय् सम्मान याये दुगु गौरवया खँ खः धासें साहित्य, शिक्षा, व्यवसाय, सामाजिक सेवा लगायतया थीथी क्षेत्रय् योगदान बियादीपिं नेपाली व्यक्तित्वपिन्त अन्तर्राष्ट्रिय मञ्चनापं स्वानायंकेमाःगु खँय् बःबियादिल ।
वल्र्ड वाइड प्रोडक्सन मिडिया प्रा. लि. व हिमालयन कम्युनिटी प्रोजेक्टया मंकाः ग्वसालय् जूगु उगु ज्याझ्वलय् मूपाहाँकथं प्रा. भारती ओख्राबो लिम्बुनी, विशेष पाहाँकथं एनआरएनए–पीएनओया अध्यक्षनापं थाई नेप्ली एसोसिएसनया पूर्व अध्यक्ष कुमार कार्की झायादीगु खः । ज्याझ्वलय् थीथी ख्यलय् योगदान बियादीपिं नेपाली व मेमेगु देया व्यक्तित्वपिन्त थीथी विधाय् हंगु खः ।
