उसाँय्
स्वनिगः
ई–बुकिङ व पाटन स्टे दथुइ सहकार्य
यल/ई–बुकिङ नेपाल प्रा. लि. व पाटन स्टे एसोसिएसन दथुइ पाटन क्षेत्रया हेरिटेज पर्यटन प्रवद्र्धन व डिजिटल बुकिङ प्रणाली विस्तार यायेगु उद्देश्यं रणनीतिक सहकार्य सम्झौता जूगु दु । पाटन स्टे एसोसिएसनं पाटन हेरिटेज क्षेत्रय् दुगु होमस्टे, हेरिटेज होम, द्यलद्य, होटल, लज व अपार्टमेन्टयात प्रतिनिधित्व यानाच्वंगु दु । थुगु सहकार्यकथं ई–बुकिङ नेपाल एसोसिएसनया दुजः सम्पत्तिया निंतिं एक्सक्लुसिभ डिजिटल बुकिङ पार्टनरया रुपय् च्वनी । थुगु सहकार्यमार्फत् पाटन क्षेत्रय् दुथ्याःगु दक्व आवास सेवायात छगू हे अनलाइन प्लेटफर्मय् दुथ्याकी, गुकिं देय् दुने व पिनेया पर्यटकपिन्त अःपुक बुकिङ यायेत ग्वाहालि जुइ । नापं ई–बुकिङ नेपाल प्लेटफर्मय् ‘एबतबल ज्भचष्तबनभ क्तबथ’ नांया विशेष क्याटेगोरी तयार याइगु नं धाःगु दु । अथे हे सहभागी सम्पत्तिइ त्तच् य् आधारित बुकिङ प्रणाली लागू जुइ, गुकिं यानाः पाहांपिन्त तप्यंक बुकिङ यायेत अःपुइगु खँ धाःगु दु । नापं निगू संस्थां मंकाःकथं पाटनया संस्कृति, सम्पदा व पर्यटन गतिविधिया डिजिटल माध्यमं प्रचार–प्रसार याइ । थुगु सहकार्यं स्थानीय आवास व्यवसाययात ग्वाहालि जुइगु, डिजिटल बुकिङ अप्वइगु नापं पाटनयात प्रमुख हेरिटेज स्टे गन्तव्यया रूपय् स्थापित याइगु नापं नेपाःया पर्यटन क्षेत्रयात स्थानीय स्तरं व्यवस्थित यायेगु कुतःयात थप टेवा जुइगु अपेक्षा याःगु दु ।
