यल/नेपाल–जापान दौत्य सम्बन्ध ७० दँ क्यंगु लसताय् जूगु छगू ज्याझ्वःया दथुइ मूपाहां जापान शिजुओका महानगरपालिकाया बहुसांस्कृतिक विदेशी विभागया नायः हिरोकाजुजुं ३६ दँ न्ह्यःनिसें जापानय् च्वनादीम्ह प्रा. नरेश महर्जनं च्वयादीगु नेपाः व जापान दथुइया सांस्कृतिक स्वापूया खँ दुथ्याःगु म्यूजिक भिडियो ‘यो मन’या पितब्वज्या व साहित्यकार रिता महर्जन ‘ऋतुं’ च्वयादीगु नियात्रा सफू ‘म्हगसय् खनागु दे’ या विमोचन यानादिल । राजीव महर्जनया सभापतित्वय् जूगु उगु ज्याझ्वलय् पाहांकथं पूर्व राजदूत डा. मदनकुमार भट्टराई, प्रा. नर्मदेश्वर प्रधान, सुलोचना मानन्धर, पौभाः साय्मि, नरेश अमात्य, कदमलाल महर्जनलगायतं आसन ग्रहण यानादीगु खः ।
रिता महर्जन ‘ऋतुं’ लसकुस न्वचु बियादीगु उगु ज्याझ्वलय् नेपाः व जापानया स्वापू सुदृढ यायेगु ज्याय् यानादीगु योगदानया कदर यासें जापानया निंतिं नेपाःया पूर्व राजदूत डा. मदनकुमार भट्टराईयात व न्यागू दशक न्ह्यःनिसें करुणामय (बुंगद्यः) या किपा संकलन व विक्रीया ज्याय् योगदान यानादीम्ह रत्न महर्जनयात हंगु खः । रत्न महर्जन लूनिभाःनं न्ह्याकादीगु उगु ज्याझ्वलय् विमोचन जूगु सपूmया बारे पौभाः साय्मि व म्ये च्वमि प्रा. नरेश महर्जन व लोकंह्वाःम्ह नायक राजेश हमालया मू भूमिका दुगु म्यूजिक भिडियोया बारे निर्देशक रामकृष्ण खड्गीं न्वंवानादीगु खः । नेपाल–जापान दौत्य सम्बन्ध ७० दँ क्यंगु लसताय् नेपाल – जापानया दथुइ मैत्री, साहित्य, संस्कृति व कला प्रवद्र्धनया उद्देश्यं ज्याझ्वः ग्वसाः ग्वयागु खँ ग्वसाः खलकं धाःगु दु ।
