यल,श्री वटुक भैरवनाथ क्षेत्र विकास संस्था, सन्ध्याकालीन आरतीया ग्वसालय् उद्यमीनापं समाजसेवी रामलाल श्रेष्ठया मदुम्ह जहान रुक्मणी श्रेष्ठया लुमन्तिइ विशेष संगीत सम्मेलन जुल । संस्थाया नायः विनोद रंजितया सभापतित्वय् जूगु उगु ज्याझ््वलय् मूपाहां समाजसेवी रामलाल श्रेष्ठं धार्मिक व सामाजिक ज्याय् नुगः क्वसाय्काः न्ह्यांवन धाःसा देय् व समाज शान्ति व प्रगतिया लँपुइ न्ह्यांवनेफइगु खँ धयादिल । रमेस श्रेष्ठं न्ह्याकादीगु उगु ज्याझ््वलय् वरिष्ठ भजन हालामि प्रेमकृष्ण ताम्रकारयात नगदसहित विशेष हना व ब्वतिकाःपिं १० म्ह भजन हालामिपिं व वाद्यवादकपिन्त नगदसहित हनापौ लःल्हाःगु खः ।
The Most Popular Magazen in Newar Society
