लण्डन, (एजेन्सी)
इक्वेडरय् जूगु २०२५या मिसा कोपा अमेरिका फुटबल कासाया सिरपा ब्राजिलं त्याकूगु दु ।
रोड्रिगो पाज डेल्गाडो रंगशालाय् आइतबार जूगु फाइनलय् ब्राजिलं कोलम्बियायात बुकाः सिरपा त्याकूगु खः । थ्व ब्राजिलया कोपा अमेरिकाय् गुक्वःगु सिरपा नं खः । कोलम्बियाया धाःसा थ्व नापं प्यक्वःतक फाइनलय् उपविजेता जुइमाल ।
निर्धारित ९० मिनेट व अतिरिक्त इलय् निगू पुचलं ४–४ गोल याःगुलिं पेनाल्टी शूटआउटय् नतिजा पिकाःगु खः । ब्राजिलया निंतिं मार्तां निगू गोल यात धाःसा एन्जेलिना व अमान्डा गुटियर्सं गोल याःगु खः ।
कोलम्बियाया निंतिं लिन्डा काइसेडो, जोरलिन काराबाली व मायरा रामिरेजं गोल यात । छगू गोल ब्राजिलपाखें आत्मघाती गोल जूगु खः ।
३९ वर्षया मार्तां १०५ औं मिनेटय् गोल यानाः ब्राजिलयात ४–३ नं न्ह्यःने लाकूगु खः । तर, कोलम्बियां हानं छगू गोल तनाबिल । थ्व गोल ११५ औं मिनेटय् सान्तोसं याःगु खः । थ्व गोलनापं ४–४ या बराबरी जुयाः निर्णय पेनाल्टी शूटआउटय् यायेमाःगु खः ।
