यल/नेपाल स्रष्टा समाजया ग्वसालय् जूगु छगू ज्याझ्वयाः दथुइ ‘दार्चुला : कला साहित्य’ व ‘किशनसिंह धामी ः व्यक्ति र कृति’ सफू मूपाहां वरिष्ठ साहित्यिक पत्रकार नगेन्द्रराज शर्मा, पाहांपिं डा. तारा निरौला, प्रा.डा. खगेन्द्र लुइँटेल, किसनसिंह धामी, पवन आलोक, प्रा.डा. लक्ष्मणप्रसाद गौतम लगायतं मंकाःकथं विमोचन यानादिल ।
नेपाल स्रष्टा समाजया अध्यक्ष श्रीओम श्रेष्ठ ‘रोदन’या सभापतित्वय् जूगु उगु ज्याझ्वलय् सफूया बारे वरिष्ठ समालोचक प्रमोद प्रधान व प्रा.डा. भरतकुमार भट्टराईनं समीक्षा यानादीगु खःसा पाहांपिन्सं किशनसिंह धामीं नेपाली भाषा व संस्कृति संरक्षण यायेगु निंतिं यानादीगु योगदानया बारे न्वंवानादीगु खः । समाजया दुजः प्रदीप सापकोटां न्ह्याकादीगु उगु ज्याझ्वलय् समाजया महासचिव प्रकाश घायलं लसकुस च्वचु बियादीगु खः । ज्याझ्वलय् सुदूर पश्चिम नेपाः दार्चुलाया सरौं नृत्य नं न्ह्यब्वःगु खः ।
