यल/नेपालभाषा एकेडेमीया ग्वसालय् जूगु छगू ज्याझ्वःया दथुइ दान्यहिरा सिरपा – ११४५ विज्ञान प्रविधि विधाय् प्रा.डा. जीवन श्रेष्ठयात, संगीत विधाय् मदनकृष्ण श्रेष्ठयात व साहित्य विधाय् मोतिलक्ष्मी शाक्ययात म्हतिं न्यय्द्वः तका नगद व दसिपौ ज्याझ्वःया मूपाहाँ नेपाल प्रज्ञा प्रतिष्ठानया कुलपति भूपाल राई व सिरपा दाता यज्ञरत्न धाख्वानं लःल्हानादिल । एकेडेमीया चान्सलर मल्ल के.सुन्दरया सभापतित्वय् जूगु उगु ज्याझ्वलय् एकेडेमीया भाइस चान्सलर डा. पुष्पराज राजकर्णिकारं लसकुस न्वचु व दुजः छ्याञ्जे महेन्द्रगोपाल कर्माचार्यं सुभाय् न्वचु बियादीगु खः ।
प्राज्ञ विद्या चित्रकारं न्हयाकादीगु उगु ज्याझ्वलय् सिरपाया दातानापं एकेडेमीया संरक्षक यज्ञरत्न धाख्वानं च्वयादीगु ‘देलं पिने व दुनेया नियात्रा’ सफू मूपाहाँ राईनं विमोचन यानादीगु खः । सांगेतिक ज्याझ्वः नं न्ह्यब्वःगु उगु ज्याझ्वलय् सिरपा त्याकादीपिन्सं थःथःगु अनुभव नं कनादीगु खः ।
