दँय्दँसं येँयाः तसकं झःझःधाय्काः हनी । इन्द्रजात्रा येँयाःया छगू महत्वपूर्ण ब्व खः । थ्व नखः नेवाः समुदायया विशेष नखः खः । इन्द्र भगवानयात सम्मान याइगु थ्व नखः च्यान्हुतक न्ह्याइ । थुकिं येँ देय्या इतिहास, संस्कृति व परम्परायात म्वाकातःगु दु ।
पुलांगु बाखं
यक्व दँ न्ह्यःनिसें येँय् छगू किंवदन्ती प्रचलित जुयाच्वंगु खः । भगवान इन्द्र थः मां दागीया निंतिं पारिजात स्वां कायेत पृथ्वीइ वःगु खः । वं स्वां खुयाः यंकूगु खँ स्थानीय मनूतय्सं सीकल । अले वयात ज्वनाः चिनाबिल । दागी थः काय्यात मुक्त यायेत वल । थ्वहे बाखनं इन्द्रजात्राया आधार दय्कल । थ्व नखः लिच्छवीकालय् सुरु जूगु विश्वास यानातःगु दु । उगु इलय् इन्द्रयात वर्षाया द्यःकथं पुजा याइगु खः । मल्ल जुजुपिन्सं थ्व पर्वयात अझ तःजिक ग्वसाः ग्वल । इमिसं हिन्दू व बौद्ध संस्कृतियात छधी याइगु कुमारीया परम्परायात संयोजन यात ।
थ्व नखः येँ देय्या म्हसीकालिसे स्वानाच्वंगु दु । मल्ल जुजुपिन्सं थःगु शक्ति क्यनेत इन्द्रजात्रा छ्यःगु खः । कुमारीया जात्रां जुजुयात दैवी आशिर्वाद प्राप्त जूगु क्यनीगु खः । थौं नं थ्व नखलं पुलांगु येँया सौन्दर्य व संस्कृतियात म्वाकातःगु दु । लिपांगु दँय् मिसातय्सं कुमारी रथ सालेगु ज्या न्ह्याकूगु दु । थुगु न्हूगु परम्परां येँया हिलाच्वंगु समाजयात प्रतिविम्बित याइ ।
यःसिँ थनेगु
यःसिँ ल्ह्वनाः नखः न्ह्याइ । थ्व थां नाला जंगलया पाइन सिमा वा सल सिमापाखें दय्कीगु खः । थ्व थां तलेजु देय्गःया न्ह्यःने तयातःगु दु । मनूत मुनी । प्रार्थना व भजन हाली । परम्परागत बाजं थायेगु याइ । खिपः सालाः थां ल्ह्वनी । थ्व थां भगवान इन्द्रया प्रतीक खः । वा वःगुलिं कृतज्ञता प्वंकेत थ्व ज्या याइगु खः । मनूत जानाः थां ल्ह्वनी । थुगु दृश्यं नेवाः समुदायया एकता क्यनाच्वंगु दु । यःसिँ प्रकृतिया सम्मान व सामुदायिक भावना खः ।
पुर्खायात लुमंकेगु
न्हापांगु बहनिइ येँया चिब्यागु सतकय् मत च्याइ । छेँजःपिन्सं घ्यः बाय् चिकंया मत च्याकी । थुगु परम्परायात मत बिये वा उपाकु वनेगु धाइ । वंगु दच्छिया दुने मदुपिं यःपिं मनूतय्त लुमंकेत थुगु परिक्रमा पिकाःगु खः । असं, इन्द्रचोक, मरु थेंजाःगु पुलांगु थासय् दीपया लाइन खनेदइ । थ्व दृश्यं नुगः क्वसाय्की । सकसिनं थः पुर्खालिसे स्वापू तइ । थुगु परम्परां नेवाः समुदायया पारिवारिक मूल्य मान्यता व इतिहासयात क्वातुकी । थुगु बहनिइ काठमाडौंया पुलांगु बस्ती जीवन्त जुइ ।
भैरव पुजा
येँयाःया दुने श्वेत भैरव व आकाश भैरवया तःधंगु ख्वाःपाः तयातःगु दु । थुपिं ग्यानापुगु ख्वाःपाःत दरबार स्क्वायर व इन्द्रचोकय् खनेदु । श्वेत भैरवया म्हुतुं थ्वँ बाःवइ । थ्वँ भक्तजनपिन्सं पवित्र प्रसादकथं कयातःगु दु । मनूत लाइनय् च्वनाः थ्वँ प्रसाद त्वनी । थ्व ज्यां आशिर्वाद व सौभाग्य प्राप्त जुइगु विश्वास दु । आकाशभैरव देय्गलय् जा, स्वां व त्वँसा छायेगु याइ । थुगु संस्कारं नेवाःया धार्मिक आस्थायात प्रतिविम्बित याइ । भैरवं रक्षा याइगु विश्वास दु । थुगु परम्परां येँया तान्त्रिक संस्कृतियात नं प्रतिविम्बित याइ ।
रंगविरंगया प्याखं
इन्द्रजात्राया रंगीन वातावरणयात ख्वाःपाः पुनाः प्याखनं अझ बल्लाकी । मजिपाः लाखे प्याखं यक्वसिया यःगु प्याखं खः । थ्व दानव प्याखनं मस्तय्त रक्षा याइ । झ्यालिंचा धाःम्ह मिजंमचां लाखेयात ख्यानाच्वनी । थ्व लू न्ह्यइपुसे च्वं । पुलुकिसि प्याखनय् इन्द्रया तुयुम्ह किसियात चित्रण यानातःगु दु । थ्व प्याखं ख्यालि खः । अले महाकाली प्याखं, सवःभक्कु थेंजाःगु प्याखं नं दु । थुगु प्याखनय् द्यःया ख्वाःपाः छ्यली । थुगु प्याखं मूचोकय् क्यनी । मभिंगुयात चीकेत व आशिर्वाद कायेत थुगु प्याखं ल्हुइगु खः । थुगु प्याखनं काठमाडौंया सतकत रंगीचंगी जुयाच्वंगु दु । थुगु प्याखनय् नेवाः कला व बाखं जीवन्त जुयाच्वनी ।
जीवित देवी कुमारी जात्रा
इन्द्रजात्राया मू आकर्षण धइगु कुमारीया जात्रा खः । कुमारीयात जीवित देवीकथं कयातःगु दु । वय्कःयात नेवाः शाक्य समुदायपाखें ल्यइगु खः । स्वन्हुतक रथय् तयाः जात्रा पिकाइ । गणेद्यः व भैरवया रथ नं नापं तयातःगु दइ । कुमारी खन कि सौभाग्य प्राप्त जुइ । मनूत वयागु छगू झलक कायेत उत्साहित जुयाच्वंगु दु । जात्राया रुट न्हियान्हिथं फरक फरक जुइ । रथ असं, इन्द्रचोक, न्यत थेंजाःगु थासय् थ्यनी । अन्तिम दिं मिसापिन्सं रथ साली । थुगु न्हूगु परम्परां समानताया हसना बी । कुमारी जात्रां हिन्दू व बौद्ध संस्कृति स्वानाच्वंगु दु ।
येँ देय्या सम्पदा
इन्द्रजात्रा छगू नखः जक मखु, थ्व येँ देय्या सम्पदा खः । थुगु पर्वं नेवाः समुदायया एकता व संस्कृतियात क्वातुकी । प्याखं व संस्कारं प्राचीन परम्परायात संरक्षण यानातःगु दु । यःसिं ल्ह्वनेगुनिसें स्तम्भ तछ्यायेगुतकया हरेक ज्याया दुग्यंगु अर्थ दइ । थ्व पर्वं हिन्दू व बौद्ध आस्थायात एकीकृत याइ । थुगु महोत्सवं येँ देय्या पुलांगु सतकय् उत्साह हयाबी ।
लिपांगु दँय् थुगु महोत्सवय् न्हूगु ह्यूपाः वःगु दु । मिसापिन्सं रथ सालाः समाजया प्रगति क्यनी । तर पुलांगु परम्पराया सम्मान नं दु । इन्द्रजात्रां येँया इतिहास व संस्कृतियात म्वाकातःगु दु । थुगु पर्वं दँय्दँसं नेवाः समुदायया गौरव व म्हसीकायात न्हूधाः यानाबी । येँ आधुनिक जुजुं वनेवं इन्द्रजात्रा पुलांगु व न्हूगुया सुन्दर संगम थाय् जुयावनी । थ्व महोत्सवं येँया सांस्कृतिक सम्पदायात विश्वया न्ह्यःने म्हसीका बी ।
ख्पाःपाः प्याखं
इन्द्रजात्राया इलय् ख्वाःपाः प्याखं यक्व हे दइ ।
• मजिपाः लाखे ः थ्व राक्षस प्याखनं मस्तय्त रक्षा याइ । झ्यालिंचा धाःम्ह मिजंमचां लाखेयात ख्यानाच्वनी ।
• पुलुकिसि ः इन्द्रया ह्याउँम्ह किसिया प्याखं, गुगु न्ह्याइपु जू ।
• महाकाली प्याखं ः थुपिं प्याखनं दुष्टतायात वांछ्वइ व आशिर्वाद माली । थुगु प्याखनं येँया सतकयात रंगशालाय् हिलाबी ।
येँयाः अर्थात इन्द्रजात्रा क्वचाय्काः यःसिँ थां लिकायेगु याइ । उगु थांयात बागमती खुसिइ यंकी । उगु थांया कुचायात भैरव देय्गलय् दीप च्याकेत छ्यली । थुगु ज्याखं आध्यात्मिक चक्रयात क्वचाय्की । थ्व दृश्यं जीवन व मृत्युया चक्र क्यनाच्वंगु दु । थ्व संस्कारय् नेवाः समुदायया आस्था खनेदु । इन्द्रजात्रां नेवाः समुदायया म्हसीका ल्यंकातइ । थ्व महोत्सवं इतिहास, कला व परम्परायात म्वाकातःगु दु । प्याखं व संस्कारय् पुलांगु व न्हूगु मूल्य मान्यतायात स्वाकातःगु दु । आधुनिकीकरण जुजुं वनेवं इन्द्रजात्रां थःगु सांस्कृतिक सम्पदायात सम्मान याइ ।
