जलसंस्कृति व सम्पदा विमोचन

येँ/जलसंस्कृति व सम्पदाया स्वापू नेपाली समाजय् गथे दु धइगु खँय् नीरनकुमार राजंवशीं च्वयादीगु ‘जलसंस्कृति व सम्पदा’ सफू छगू ज्याझ्वःया दथुइ मूपाहाँ संस्कृतिविद् हरिराम जोशीं विमोचन यानादिल । विमोचन यासें वय्कलं जलसंस्कृति व सम्पदाया महत्वया बारे खँ न्ह्यथंसे थुगु विषयस म्हो जक सफू दुगुलिं थुकिया बारे अनुसन्धान यानाः सफू पिकयाः राजवंशीं प्रशंसनीय ज्या याःगु खँ धयादिल । ज्याझ्वलय् पर्यटन तथा नागरिक उड्डयन मन्त्रालयया संस्कृति महाशाखा प्रमुख डा. सुरेश श्रेष्ठ, राष्ट्रिय संङ्ग्रहालयया प्रमुख अरुणा नकर्मी, सहरी विकासविज्ञ पदमसुन्दर जोशी, प्रा. डा. पुरुषोत्तमलोचन श्रेष्ठं थुगु सफुतिइ लःया बारे ऐतिहासिक प्रमाणत दुथ्याःगु, लःया श्रोतया संरक्षणया निंतिं संस्कृतिनापं स्वापू दुगु खँ उल्लेख जुयाच्वंगुलिं लः संरक्षणया निंतिं उपयोगी जुइगु बिचाः प्वंकादिल ।