यल/सप्तखेल टोल सुधार समिति व सप्तखेल मिसा पुचःया मंकाः ग्वसालय् स्वक्वःगु घरेलु हस्तकला तथा पर्यटन प्रबद्र्धन मेलाया उलेज्या छगू ज्याझ्वःया दथुइ मूपाहाँ यल महानगरपालिकाया प्रमुख चिरीबाबु महर्जन व विशेषपाहाँ उपप्रमुख मञ्जली शाक्य बज्राचार्यं मंकाःकथं यानादिल । समितिया नायः चैत्य महर्जनया सभापतित्वय् जूगु उगु ज्याझ्वलय् महानगरया प्रवक्तालिसें वडा ल्या ९या वडाअध्यक्ष राजु महर्जन, वडा ल्याः ८या वडाअध्यक्ष बाबुरत्न महर्जन, वडा ल्याः ६या वडाअध्यक्ष रुपेन्द्रराज शाक्य, नेपाल हस्तकला माहासंघया वरिष्ठ उपाध्यक्ष राजमान शाक्य लगायतं पाहाँकथं आसन ग्रहण यानादगिु खः ।
मिसा पुचःया नायः विन्देश्वरी शाक्यं न्हयाकादीगु उगु ज्याझ्वलय् मेलाया संयोजक चक्रबहादुर श्रेष्ठं लसकुस न्वचु बियादीगु खः । पौष १०, ११, १२ गते स्वन्हुयंक जुइगु महोत्सवय् हस्तकलाया ज्वलं, नेवाः नसाज्वलं, मिसा पुचलं दयेकूगु सामान लगायतया व्वज्या व सांस्कृतिक ज्याझ्वः जुइगु खँ ग्वसा खलकं धाःगु दु ।
