ख्वप/विराट नेपालभाषा साहित्य सम्मेलन गुथिया ५५ क्वःगु दँमुँज्या व २२ क्वःगु तःमुँज्या छगू ज्याझ््वःया दथुइ मूपाहां नेपालभाषा एकेडेमीया भाइस चान्सलर डा. पुष्पराज राजकर्णिकारं उलेज्या यानादिल । गुथिया नायः महेन्द्रगोपाल कर्माचार्यया सभापतित्वय् जूगु उगु ज्याझ्वलय् नेपाल प्रज्ञा प्रतिष्ठानया दुजः प्राज्ञ अगीव बनेपाली, नेपालभाषा मंकाः खलः येँ व यलया नायःपिं रमेशमान पिया व हिराकाजी महर्जनं नेपालभाषा ख्यलय् गुथिया योगदान व महत्वया बारे न्वंवानादीगु खः । सुलोचना सैंजुं न्ह्याकादीगु उगु ज्याझ्वलय् लसकुस न्वचु कृष्णभक्त बोडे व सुभाय् न्वचु रत्नालक्ष्मी भैलं बियादीगु खः ।
उलेज्या धुंकाः जूगु बन्दसत्रं वरिष्ठ कवि योगेन्द्र प्रधान व वरिष्ठ अधिवक्ता दुर्गामोहन श्रेष्ठया ल्यज्या पुचलं महेन्द्रगोपाल कर्माचार्यया नेतृत्वय् ज्यासना पुचः न्हूधा याःगु दु । न्हूगु ज्यासना पुचलय् कृष्णभक्त बोडे न्वकू, प्रदीपरत्न शाक्य छ्याञ्जे, रामगोपाल चगुठी दांभरिं, सुलोचना सैंजु ल्यू छ्याञ्जे व दुजलय् छसीकथं हिरण्यप्रताप सांगामि, योगी स्यस्यः, इन्द्रकुमार साखः, रत्नालक्ष्मी भैल, न्हुछेभक्त कवां व महेन्द्रराज शाक्ययात सर्वसम्मतं ल्यःगु दु ।
