यल/यल महानगरपालिका वडा नं. १६ दुने पलिस्था जुयाच्वंगु सरकारी, गैरसरकारी ज्याकुथि, नीजि संघसंस्था, खलःपुचः, टोल सुधार समिति, गुथि, विहार, स्कूल, बैंक, सहकारी, स्वास्थ्य सेवा व व्यवासायीक पसलय् साइनबोर्ड, बिल, लेटरप्याडय् नेपाललिपि वा रञ्जनालिपि अनिवार्यरुपं छ्यलेगु व थाय्या नां नं मौलिक नेपालभाषां हे दुथ्याकेमाःगु निर्णय याःगु दु । थुगु निर्णययात कार्यान्वयन यायेगु निंतिं १६ वडाया ग्वसालय थीथी खलः पुचः व ब्यवसायीपिं दथुइ विशेष मुँज्या जुल । १६ वडाया अध्यक्ष निर्मलरत्न शाक्यया सभापतित्वय् जूगु उगु मुँज्याय् थीथी संघ संस्था व व्यवसायीपिन्सं लिपि छ्यलेगु ज्या तसकं च्वछाय्बहःगु जूगुलिं थुकियात कार्यान्वयन यायेगुलिं थःथःगु थासं ग्वाहालि यायेगु बचं बियादिल ।
