येँ/उमंग क्रियशनया ग्वसालय् जूगु मिस विभा २०२५ या उपाधि जेसिका सिंह ठकुरीं त्याकल धाःसा फस्ट रनर अपया उपाधि निशिता जोशीं त्याकल । याक एण्ड यति होटलय् जूगु उगु कासाय् सेकेण्ड रनरअप निशाा श्रेष्ठ जुल । अथे हे आस्मा रिजाल स्वंगूगु व टीना परियार प्यंगूगु थासय् लाःगु खः । कासाय् १५ म्ह कासामिं ब्वति काःगु खः ।
क्रियशनया प्रमुख उद्धव अधिकारीया धापूकथं करिब करिब मिस विभा जुइगु निश्चित थें जुइधुंकूम्ह निशिता जोशी छगू ल्याः म्हो जुयाः उपविजेता जूगु खः । थज्याःगु सौन्दर्य कासां सौन्दर्य जक मखु संस्कृति व पर्यटन थपूया निंतिं नं ग्वाहालि जुइगु खँ वय्कलं धयादिल ।
