बंगलादेशया राजधानी ढाकाय् जूगु साफ मिसा यू २० च्याम्पियनसिप कासाय् पूर्णिमा राईनं लुँया लाकां त्याकूगु दु ।
नेपाः टिमया निंतिं मुक्कं १० गोल यानाः वय्कलं लुँया लाकां त्याकूगु खः । प्यंगू पुचःया दथुइ जूगु थ्व कासाय् पूर्णिमां निगू ह्याट्रिक नं याःगु दु ।
अथे हे च्यागू गोल याःम्ह बंगलादेशया सागोरिकायात कासाया ‘दकले मूल्यवान कासामि’ घोषणा याःगु खः । बंगाली पुचःया मिली अख्तरं उत्कृष्ट गोलकिपर अवार्ड त्याकूगु खः ।
