येँ/निजी क्षेत्र व व्यापार व्यवसायय् संलग्न उद्यमी व्यवसायीपिन्त प्रोत्साहित यायेगु सरकारया नीतिकथं उद्योग वाणिज्य तथा आपूर्ति मन्त्रालयया ग्वसालय् व नेपाल उद्योग वाणिज्य महासंघया सह–ग्वासलय् थीथी ख्यःया ३० गू व्यवसायिक कम्पनी व संस्थायात छगू ज्याझ्वःया दथुइ व्यावसायिक व्यक्ति (सिआइपी) सम्मान लःल्हात । उगु ज्याझ्वलय् नेपाल हस्तकला महासंघया अध्यक्ष रविन्द्र शाक्ययात मानार्थ सिआइपी सम्मान मूपाहाँ उद्योग, वाणिज्य तथा आपूर्तिमन्त्री दामोदर भण्डारीं लःल्हाःगु खः ।
ज्याझ्वलय् हस्तकला महासंघया दुजःपिं मध्ये वस्तुगत संघपाखें नेपाल ऊनी फेल्ट उत्पादक तथा निर्यात संघया अध्यक्ष नरेशलाल श्रेष्ठ, हस्तकला वस्तुया निर्यातपाखे गिफ्ट ल्याण्ड इन्टरप्राइजेजया सञ्चालक पदमरत्न धाख्वा, दकले अप्वः फेल्टया हस्तकला वस्तु निर्यातकर्तापाखे नेशनल एक्सपोट्र्स प्रा.लि.या सञ्चालक चन्द्रबहादुर थापायात सम्मान याःगु खः । अथे हे निर्यातकर्तापाखे एभरेष्ट फेशनया प्रमुख कार्यकारी अधिकृत महेश्वर श्रेष्ठ, चीनपाखे निकासीइ अष्टमंगलया प्रोप्राइटर उर्गेन लामा, स्टार्टअप उद्यमी व्यवसायीपाखे माइन्डफुल क्राफ्टया प्रबन्ध निर्देशक कुवेर सापकोटायात सम्मान याःगु खः ।
